“Zee5 आणि YouTube वर धमाल मचवणार Zee Café चा ‘Loop 11:47’, 22 जुलैपासून टीव्हीवर एपिसोड्स!”

Zee Café, त्यांच्या विविध प्रीमियम कंटेंटसाठी प्रसिद्ध आहे, आणि आता त्यांनी त्यांच्या पहिल्या डिजिटल सिरीज ‘Loop 11:47’ च्या पदार्पणाने प्रेक्षकांच्या पाहण्याच्या अनुभवाला नवीन उंचीवर नेण्याची तयारी केली आहे. हा अद्वितीय साय-फाय कॉमेडी थ्रिलर, जो हिंग्लिशमध्ये सादर करण्यात आला आहे, विज्ञान कथा, कॉमेडी आणि थ्रिलर या तत्त्वांचा सुंदर मिलाप आहे. या सिरीजचा प्रीमियर ५ जुलै रोजी Zee5 आणि Zee Café च्या YouTube चॅनेलवर झाला, ज्याने आपल्या अनोख्या कथानक आणि आकर्षक पात्रांसह प्रेक्षकांचे लक्ष वेधून घेतले.

त्याच्या यशस्वी डिजिटल पदार्पणानंतर, आता ‘Loop 11:47’ २२ जुलै रोजी Zee Café चॅनेलवर प्रीमियर होणार आहे, ज्यामुळे प्रेक्षकांना या रोमांचक कथेशी जोडण्याची अनेक माध्यमे उपलब्ध होतील. डिजिटल ते टीव्ही फॉरमॅटमधील हा बदल आणखी विस्तृत प्रेक्षकवर्गापर्यंत पोहोच सुनिश्चित करेल, ज्यामुळे अधिकाधिक प्रेक्षकांना या रोमांचक प्रवासाचा आनंद लुटता येईल.

“लूप 11:47″ परिस्थितीने थकलेल्या तीन निराश मित्रांची कथा आहे—वरुण (आकाशदीप अरोरा), एक महत्त्वाकांक्षी संगीतकार; निरवान (क़बीर सिंह), एक महत्त्वाकांक्षी कॉर्पोरेट एक्झिक्युटिव्ह; आणि भाविक (केशव सदना), एक आशावादी इन्फ्लुएंसर—जे एक रहस्यमय सरोवराचा शोध घेण्यासाठी बाहेर पडतात. त्यांच्या दैनंदिन जीवनातून सुटका करण्यासाठी सुरू केलेला हा प्रवास एक विचित्र वळण घेतो, आणि ते एका अनाकलनीय टाइम लूपमध्ये अडकतात, ज्यामुळे एक उत्कंठावर्धक आणि चित्ताकर्षक साहसी आयुष्य उलगडयाला लागते .”लूप 11:47” प्रेक्षकांना एका थरारक प्रवासाचे वचन देते, ज्यात रंजक क्षण आणि हास्यजनक वळणे असतील. प्रेक्षकांना गहन नाटक, हलके-फुलके हास्य किंवा डोक्याला वेड लावणारे प्लॉट ट्विस्ट जर आवडत असले तर, या सीरिजमध्ये प्रत्येकासाठी नक्कीच काही ना काहीतरी आहे.

सम्राट घोष, चीफ क्लस्टर ऑफिसर – वेस्ट, नॉर्थ, आणि प्रीमियम चॅनल्स, झी एंटरटेनमेंट एंटरप्रायझेस लिमिटेड म्हणाले, “झी कॅफेवर आमची पहिली फिक्शन सिरीज ‘लूप 11:47’ सादर करताना आम्हाला खूप आनंद होत आहे. साय-फाय, कॉमेडी आणि संबंधित थीम्सचे हे नव्याने मिश्रण तयार करून आम्ही तरुण भारतीय प्रेक्षकांसाठी ताजेतवाने आणि आकर्षक कंटेंट देण्याच्या आमच्या वचनबद्धतेशी सुसंगत आहोत. झी कॅफेने विविध लोकप्रिय आंतरराष्ट्रीय सिरीज, आकर्षक रिअॅलिटी शो आणि ओरिजिनल प्रोग्रामिंगद्वारे प्रेक्षकांचे मन जिंकले आहे आणि ‘लूप 11:47’ विचारांना उत्तेजन देईल, हसवेल आणि संपूर्ण देशभरातील प्रेक्षकांशी संपर्क साधेल अशी अपेक्षा आहे.”

ऋषि पारेख, चीफ चॅनल ऑफिसर – इंग्लिश क्लस्टर आणि झेस्ट, म्हणाले, “‘लूप 11:47’ हे झी कॅफेच्या सर्जनशीलतेच्या सीमांना पुढे नेण्याचे आणि नवीन संकल्पनांचा शोध घेण्याचे उत्तम उदाहरण आहे. Anime Fan Fest सारख्या उपक्रमांद्वारे आणि ‘ब्रेकिंग बॅड’ आणि ‘बेटर कॉल सॉल’ यांसारख्या लोकप्रिय आंतरराष्ट्रीय शोचे हिंदी स्थानिकरण करून आम्ही Gen Z प्रेक्षकांशी कनेक्ट होण्याचा प्रयत्न करतो. आम्ही असा कंटेंट तयार करण्याचे उद्दिष्ट ठेवले आहे जो प्रेक्षकांना भावेल आणि त्यांना त्यांच्या जीवनाशी संबंधित वाटेल. या खास सीरिजमुळे प्रेक्षकांचे मन जिंकण्याची खात्री आहे आणि झी कॅफेचे एक प्रमुख मनोरंजन केंद्र म्हणून स्थान बळकट होईल.”

तर, “लूप 11:47” च्या रोमांचक जगात बुडण्यासाठी तयार व्हा. एक मनोरंजक कथा, डायनॅमिक कॅरेक्टर्स, आणि एक अभिनव संकल्पना असलेल्या या सीरिजचा अनुभव घ्या—’Loop 11:47′ २२ जुलै रोजी Zee Café चॅनेलवर प्रीमियर होणार आहे