सिद्धिविनायक मंदिरातील कर्मचाऱ्यांच्या सन्मानासाठी अभिनेत्री शिवानी शर्मा सहभागी, साथी द युथ फाउंडेशनसोबत

कृतज्ञता आणि सामाजिक जबाबदारीच्या भावनेतून साथी द यूथ फाउंडेशन तर्फे मुंबईतील प्रसिद्ध श्री सिद्धिविनायक मंदिरातील कर्मचाऱ्यांचा सत्कार समारंभ आयोजित करण्यात आला. भक्तांची सेवा, स्वच्छता, शिस्त आणि मंदिराची व्यवस्था सुरळीत ठेवण्यासाठी अहोरात्र मेहनत करणाऱ्या कर्मचाऱ्यांचा या कार्यक्रमात सन्मान करण्यात आला.

श्री सिद्धिविनायक मंदिर हे मुंबईतील एक अत्यंत श्रद्धेचे ठिकाण असून दररोज हजारो भाविक येथे दर्शनासाठी येतात. मंदिरातील सुव्यवस्था आणि शिस्त राखण्यामागे कर्मचाऱ्यांचे मोठे योगदान असते. मात्र त्यांचे काम अनेकदा लक्षात येत नाही. अशा कर्मचाऱ्यांना सन्मान देण्यासाठी साथी द यूथ फाउंडेशनने हा उपक्रम राबवला.

हा कार्यक्रम साथी द यूथ फाउंडेशनचे अध्यक्ष श्री अमित तिवारी यांच्या मार्गदर्शनाखाली पार पडला. त्यांनी सांगितले की, हा उपक्रम सलग सातव्या वर्षी आयोजित करण्यात येत आहे. दरवर्षी फाउंडेशनकडून वेगवेगळे सामाजिक उपक्रम राबवले जातात. यंदा सिद्धिविनायक मंदिरातील कर्मचाऱ्यांचा सत्कार करण्याचा निर्णय घेण्यात आला. या कार्यक्रमात ५०० कर्मचाऱ्यांचा सन्मान करून त्यांना भेटवस्तू देण्यात आल्या.

अमित तिवारी यांनी सांगितले की, समाजासाठी निःस्वार्थपणे काम करणाऱ्या लोकांना मान-सन्मान मिळणे खूप गरजेचे आहे. अशा उपक्रमांमुळे कर्मचाऱ्यांना नवी प्रेरणा मिळते आणि त्यांच्या कामाची दखल घेतली जाते.

या कार्यक्रमाला विशेष उपस्थिती लाभली ती अभिनेत्री शिवानी शर्मा यांची. त्यांनी मंदिर कर्मचाऱ्यांशी संवाद साधत त्यांच्या सेवाभावाचे आणि नम्रतेचे कौतुक केले. त्यांच्या उपस्थितीमुळे कार्यक्रमाला अधिक मान मिळाला.

या सत्कार समारंभाला श्रीमती मनीषा तुपे (विश्वस्त, श्री सिद्धिविनायक मंदिर), श्री सोहेल खांडवानी (अध्यक्ष व विश्वस्त – महिम व हाजी अली दर्गा ट्रस्ट), श्री प्रकाश यादव (भाजप नेते, मध्य प्रदेश) यांच्यासह अनेक मान्यवर उपस्थित होते. विविध पार्श्वभूमीतील मान्यवरांची उपस्थिती ही मानवता, एकता आणि बंधुभावाचा संदेश देणारी ठरली.

हा कार्यक्रम मंदिरातील पडद्यामागे काम करणाऱ्या कर्मचाऱ्यांच्या योगदानाची जाणीव करून देणारा होता.

या उपक्रमातून साथी द यूथ फाउंडेशन ने समाजसेवा, एकोपा आणि निःस्वार्थ सेवेचा आदर्श पुन्हा एकदा समाजासमोर ठेवला आहे.

सिद्धिविनायक मंदिरातील कर्मचाऱ्यांच्या सन्मानासाठी अभिनेत्री शिवानी शर्मा सहभागी, साथी द युथ फाउंडेशनसोबत